EN
RU
12-Cİ AZƏRBAYCAN BEYNƏLXALQ TƏHSİL SƏRGİSİ
4 - 6 oktyabr 2018 Bakı Ekspo Mərkəzi
eduexpo

Dəvətnaməni əldə edin

Fotoqalereya

Rəsmi kataloq

Stendin rezervasiyası
Sərgi » Sərgi haqqında

“Təhsil 2017” sərgisi: İnsan kapitalı bizim sərvətimizdir!

6 oktyabr tarixində Bakı Ekspo Mərkəzində 11-ci Azərbaycan Beynəlxalq Təhsil sərgisi “İnsan kapitalı bizim sərvətimizdir” devizi altında öz işinə başladı.  Təhsil sahəsində əsas regional tədbir sayılan bu sərgilər Azərbaycan Respublikası Təhsil Nazirliyinin rəsmi dəstəyi ilə “Caspian Event Organisers” (CEO) şirkəti tərəfindən keçirilir.

Azərbaycan Respublikası təhsil naziri Mikayıl Cabbarov sərginin təntənəli açılış mərasimində çıxış edib.

“Hər ölkənin intellektual potensialının əsasını peşəkar hazırlıqlı kadrlar təşkil edir və onları fasiləsiz iqtisadi inkişaf nəticəsində təmin etmək mümkündür. Son 13 il ərzində ölkədə 3 mindən artıq məktəb təmir və inşa edilib, onların maddi-texniki bazası yenilənib, müəllim peşəsinin nüfuzu, eləcə də müəllimlərin əmək haqları əhəmiyyətli dərəcədə artıb”, - cənab Mikayıl Cabbarov öz çıxışında söyləmişdi. Nazir tədbirin təşkilatçı və sponsora öz minnətdarlığını bildirib.

“Caspian Event Organisers” şirkətinin direktoru cənab Edvard Stroon Təhsil sərgisində dünyanın 24 ölkəsindən 90-dan artıq müxtəlif fakültəni təmsil edən 144 təhsil strukturunun iştirak etdiyini qeyd edib. Cənab Stroon sərginin təşkilində göstərdikləri köməyə görə Təhsil Nazirliyinə öz minnətdarlığını bildirib.

Sərgidə Təhsil Nazirliyi tərəfindən təşkil olunmuş birləşmiş stendində Bakı Dövlət Universiteti, Azərbaycan Dövlət Neft və Sənaye Universiteti, Fransız-Azərbaycan Universiteti (UFAZ), Azərbaycan Dövlət İqtisad Universiteti, Azərbaycan Dövlət Pedaqoji Universiteti, Bakı Mühəndislik Universiteti, Azərbaycan Memarlıq və İnşaat Universiteti, Azərbaycan Texnologiya Universiteti, Azərbaycan Dillər Universitetinin stendləri yer alıb.

Milli Aviasiya Akademiyası və bu ilin debütantı olan Qərb Universiteti öz stendləri ilə təqdim olunur. Ümumilikdə, Azərbaycanın 17 ali təhsil müəssisələri sərgidə iştirak edir. Sərginin baş sponsoru qismində Kapital Bank çıxış edir.

Təhsil sərgisinin "Xaricdə təhsil" sektorun çərçivəsində ABŞ, BƏƏ, Latviya, Litva, Macarıstan, Rusiya, Rumıniya, Sinqapur, Slovakiya Türkiyə, Ukrayna və digər ölkələr universitet, məktəb, kollec, təhsil mərkəzləri və kurslarını təqdim edirlər. Sərgidə Polşa (“Ready study go! Poland”) və Litva (“Study in Lithuania”) milli qrupları da iştirak edir. Yerli “CELT Colleges” şirkəti sərgidə xaricdə təhsil proqramı ilə çıxış edir. Məktəbəqədər sektorunda Beynəlxalq Sabis Sun Məktəbi iştirak edir.

Məktəbəqədər və orta təhsil pillələri, distant təhsil sistemləri, xaricdə təhsil və tələbə mübadilə proqramları, fakültativ təhsil və turizm üzrə proqramlar, dil kursları və yay məktəbləri, yeni informasiya texnologiyaları və bir sıra digər məhsullar nümayiş olunur. Sərgidə “Lucas-Nuelle GmbH”, NTP Centr (Belarus) və “LAIN SRL” (İtaliya) şirkətləri tərəfindən “Təhsil müəssisələri üçün müasir avadanlıqlar və multimedia sistemləri” sektoru çərçivəsində laboratoriya avadanlıqları, təhsil müəssisələri üçün proqram təminatı nümayiş olunur.

Sərginin maraqlı sahəsi lektoriy zalıdır. Burada mühazirələr oxunur, startapçılar çıxış edir.

Sabah sərgidə maraqlı işgüzar proqramı təqdim olunacaq. Belə ki, təşkilatçılar  sərgidə iştirak edən xarici ali təhsil müəssisələri ilə tədbirə həm iştirakçı, həm də ziyarətçi kimi qatılan yerli təhsil müəssisələri arasında “B2B” formatlı görüşlərin keçirilməsini planlaşdırıb. Həmçinin, “Mənim gələcək peşəm və ona gedən yol”, “Özəl məktəb və universitetlərdə Sağlam təhsil pedaqogikası”, “Sağlam təhsil müəllimləri üçün EBRU seminarı” və “Avropa İttifaqında təhsil almaq məqsədilə sənədləri təqdim etmək və Aİ-nın viza qanunun xüsusiyyətləri” mövzusunda bir sıra seminarlar keçiriləcək.

Təhsil sərgisi ilə birlikdə 11-ci Azərbaycan Beynəlxalq Karyera sərgisi keçirilir. Sərgidə “Azersun”, “Azercell”, “Gilan Holding” və “Veysəloğlu” Qrup şirkətləri iştirak edir.

Beləliklə, sərginin ilk günü uğurla başa çatdı. Sabah sərgilər öz işini davam etdirəcək.


TƏRƏFDAŞLAR